Amdanom ni

Y mae prosiect Lleisiau Amaethyddiaeth wrthi ar hyn o bryd yn creu cronfa ddata o wybodaeth lafar a darluniadol o'r newidiadau a'r dylanwadau sydd wedi effeithio ar amaethyddiaeth yng Nghymru ers 1947.

• Dechreuwyd ar y Cynllun Peilot ym mis Mai 2003 gydag apwyntiad Cydlynydd i'r prosiect. Cafodd Swyddog Gweinyddol ei hapwyntio yn Hydref 2003.
• Cesglir gwybodaeth yn Sir Gaerfyrddin gyda'r bwriad o ehangu i siroedd eraill.
• Daw siaradwyr o wahanol gefndiroedd, grwpiau oed a phrofiadau amaethyddol.
• Cynhelir y recordiadau yn y Gymraeg a'r Saesneg.
• Ystyrir goblygiadau economaidd a chymdeithasol newidiadau ym myd amaeth a'r gymdeithas wledig, yn ogystal â goblygiadau polisïau'r llywodraeth.
• Cedwir y disgiau gan y prosiect ei hun, yn Amgueddfa Werin Sain Ffagan ac yn y Llyfrgell Genedlaethol yn Aberystwyth.
• Bydd yr wybodaeth ar gael ar gyfer defnydd addysgiadol ac i arbenigwyr a'r cyhoedd, trwy amrywiaeth o gyfryngau a dulliau eraill o ddosbarthu.
• Bydd enghreifftiau o'r ymchwil yn ymddangos yn rheolaidd ar y wefan hon.

Y mae prosiect Lleisiau Amaethyddiaeth yn cael ei oruchwilio gan Ymddiriedolaeth Adfywio Treftadaeth Sir Gaerfyrddin gyda chefnogaeth gychwynnol gan Coleg y Drindod, Caerfyrddin ac Asiantaeth Iaith.

Diolchiadau

Diolch i'r pobl canlynol am y lluniau sy'n ymddangos ar bob tudalen y wefan:

• Tegwen Williams, Llandeilo am y llun "Te yn y beudy"
• Nick Somerfield, Bethlehem am lun y gwartheg;
• Ann a Brian Walters, Caerfyrddin am lun y peiriannau amaethyddol.